遊走人類歷史，放眼世界邊端。自慰對某啲文明嚟講係一種禁忌，某啲文明就覺得係神聖﹑快樂﹑合乎邏輯。而對「性」持開放態度嘅古文明，你又知道幾多個?

古文明對自慰看法

古埃及文明

埃及人認為神嘅自慰係一種具創造性或具魔法力量嘅行為，佢哋亦認為創世神亞圖姆以自慰射精嘅方式創造整個宇宙。埃及神話中亞圖姆通過向手射精，再將精液放入自己口中射出嘅方式，創造了第一對子女休（shu）和泰芙努特（tefunt）。因此當地人視尼羅河嘅潮水漲退同亞圖姆嘅射精頻率有關，埃及嘅法老曾為此喺尼羅河中進行一次「自慰」性儀式。

古希臘文明

古希臘人對自慰採取比埃及人寬鬆嘅態度，自慰被古希臘人認為係其他形式嘅性行為嘅一種正常和健康嘅替代品，佢哋認為自慰係對抗欲求不滿嘅方法。從哲學思想下，自慰係一種合理而對自身身心健康嘅行為。
古希臘哲學家-戴奧基尼斯據說曾喺公眾場合自慰。佢表示「但願驅除飢餓感像它一樣容易，只需透過摩擦我嘅肚子就能驅除飢餓。」

蘇美爾文明

考古學者從泥板得知，蘇美爾人對性持較寬鬆嘅態度。伊南娜神話嘅背景下，以性愛為樂。蘇美爾文明「代表男性和女性」嘅標誌或象形文字係以性部位作簡化圖，而已婚人士則通過將兩者並列嚟表示。
蘇美爾文明更認為單獨或與伴侶一起手淫係一種增強咒語效力，加強性愛嘅質量。而有學者認為蘇美爾文明發明一種稱為 puru 油嘅特殊油混合物。依種特殊嘅油，混合磁性鐵礦粉同鐵粉，為性愛提供額外嘅摩擦力，從而增加刺激度。

古代中國文明女性自慰

不論多古老嘅文明都離不開對「性」嘅睇法，古代中國對女子嘅貞節非常重視，但對女性自慰私底下則不太反對。最早嘅女性自慰器出自西漢中山靖王劉勝嘅墓室之中，以銅器製造，尾部仲有一個突起嘅小疙瘩，用以刺激女性陰蒂。隨著女性自慰器嘅流行，材料上更加五花八門，有陶製、金屬制、木頭制或角制，每個朝代都不一。